Պարանոցի ֆիքսատոր ML-0714

ML-0714 պարանոցի ֆիքսատորը նախատեսված է պարանոցի ողնաշարի հատվածի և գլխի ամբողջական ու կոշտ ֆիքսացիայի համար՝ վնասվածքների, վիրահատական միջամտությունների հետևանքների, ինչպես նաև տարբեր նյարդաբանական խանգարումների դեպքում։ Ֆիքսատորը ապահովում է պարանոցային հատվածի հուսալի կայունացում ֆիզիոլոգիապես ճիշտ դիրքում՝ նվազեցնելով բեռնվածությունը և նպաստելով վերականգնմանը։

Ֆիքսատորը ֆիքսվում է կպչուն ժապավենով (Velcro), ինչն էլ ապահովում է վստահելի ամրացում։ Կզակի համար նախատեսված հատուկ խորշը սահմանափակում է գլխի շարժունակությունը բոլոր հարթություններում՝ կանխելով անցանկալի շարժումները։ Տրախեայի հատվածում առկա է հատուկ բացվածք, որը հնարավորություն է տալիս իրականացնել բժշկական տարբեր միջամտություններ, այդ թվում՝ տրախեայի վնասվածքների և տրախեոստոմիայի կիրառման վիրահատություններից հետո։

Օգտագործման ցուցումներ․

Ֆիքսատորը խորհուրդ է տրվում՝

·       ողնաշարի վնասվածքների, գանգ-ողնաշարային և գանգուղեղային վնասվածքների հետևանքների դեպքում,

·       ողնաշարի պարանոցային հատվածում կատարված վիրահատական միջամտություններից հետո,

·       ողնաշարի պարանոցային հատվածի օստեոխոնդրոզի դեպքում

·       պարանոցային ողերի բարձր շարժունակության և տեղաշարժի դեպքում,

·       տրախեայի և տրախեայի շրջանում գտնվող անատոմիական կազմավորումների վնասվածքների դեպքում,

·       տրախեոստոմիայի կիրառման վիրահատություններից հետո՝ հետվիրահատական շրջանում։

Հակացուցումներ․

• բացարձակ հակացուցումներ չկան
• օգտագործումից առաջ խորհրդակցեք բժշկի հետ